MorRiNhA

A TVG rexeita un spot do Festigal por levar unha bandeira coa estrela vermella

2009-05-22T22:30:55+00:00

O anuncio de TV que gravaron os responsables da película galega "Pradolongo" para promocionar o Festigal do ano pasado non obtivo o "plácet" da TVG, que o rexeitou por "excesivamente partidista". ¿O motivo? Que no último segundo do spot aparece no decorado unha bandeira galega coa estrela vermella de cinco puntas. Segundo os servizos xurídicos do ente público, este símbolo parece estar ligado unicamente co BNG, polo que o anuncio non foi emitido. Os responsables do Festigal non tiveron máis remedio que gravar un final alternativo, que enviaron de novo á TVG. Este novo anuncio si foi emitido. Velaí o anuncio:

Blog de Blogs

2009-05-20T13:25:42+00:00

Cantidades e cantidades de blogs existen hoxe en día na rede, de alumnos, profesores de tendas, empresas etc. esta entrada dedicareina a falar dun Blog que me chama moito a atención atendendo a distintos criterios.

Este Blog é laimagenconocida.lacoctelera.net o Blog de Sonia Delpont, compañeira de clase.

O seu contido é interesante en especial para o meu xa que ten que ver coa nosa carreira, e ademais a moita xente nos chama a atención a presenza dos famosos nos anuncios televisivos, cousa que os fai máis rechamantes. Neste blog ofrécense entradas moi variadas da presenza destes famosos así como os mesmos anuncios nos que aparecen, o que o fai segundo o meu punto de vista nun blog moi visual.

Por unha parte gustaríame destacar que é un blog que a pesar de que non é moi diario, esta moi traballado tanto na presentación, como se pode ver a súa cabeceira.

Por outra parte a forma na que trata a linguaxe é moi clara e sinxela. Ademais o seu deseño elixido é simple e transmite claridade no contido, algo segundo a miña opinión bastante importante á hora de facer un blog. Por todos estes motivos segundo a miña opinión este é un Blog de Blogs.

A Resaca máis anticipada do ano

2009-05-18T13:17:43+00:00

Para continuar coa tradición, un grupo de estudiantes do campus pontevedrés anticipuo este ano a Resaca das letras, que xa se leva celebrando durante cinco anos, que incluiu a celebración de conferencias, debates e varios concursos, para premiar o traballo dos alumnos da Facultade de Ciencias Sociais e da Comunicación.

A idea foi coordinada este ano polos profesores Benigno Fernández Salgado, quen xa o levou outros anos, e Teresa Bermúdez, ámbolos dous profesores de Galego en dita Facultade. Ata agora as actividades víñanse celebrando en días posteriores ao dia das nosas letras galegas, adicado este ano a Ramón piñeiro, pero este ano co fin de ir quentando motores cara a celebración autonómica.

Este ano participou como ponente na conferencia na conferencia central da Rsaca das letras María Yañez, periodiste con experiencia en medios electrónicos. Despois da súa intervención celebrouse unha táboa redonda moderada por Manuel Gago, director de culturagalega.org baixo o título Por diante dos tempo: evolución e tendencia no uso da nternet en galego, e para rematar esta xornada o director da Área de Normalización Língüística da Universidade de Vigo, Xosé Enrique Costas explicou as campañas que a institución académica esta levando a cabo a este respecto.

O xornalista Gonzo, coñecido polo seu labor de reporteiro para o programa Caiga Quien Caiga, foi o condutor dunha gala na que se entregaron os premios do concurso de webs galegas e dos traballos dos alumnos do campus. O evento estivo amenizado polas actuacións de The Noisers e MLK.
Conde compartiu cos estudantes a súa “visión circular do márketing, da publicidade e da mesma vida” e indicoulles que “saber onde estamos e cara a onde queremos ir” é a primeira decisión que teñen que tomar na súa vida profesional. Nese proxecto, o presidente de BAP&Conde convidounos a xestionar a súa vida “como unha marca, a única pola que nunca podedes deixar de traballar”. Logo deste pequeno achado, o publicista comentou cos presentes no salón de actos da Facultade de Ciencias Sociais e da Comunicación que a publicidade “é unha influenza positiva para o mundo”. Unha afirmación sustentada no feito de que “a comunicación é un elemento constitutivo do home”, que precisa sinais que o guíen. Como colofón á súa intervención, Conde tamén quixo expresar o seu “combate radical” contra a idea de que a publicidade é un engano, porque “non se pode enganar se algo vai firmado”, indicou.
Tamén houbo momento para a entrega do galardón ás sete webs que venceron en cadansúa categoría. O Consello da Cultura Galega foi merecedora da distinción por partida dobre: como mellor web institucional e o seu espazo Mega, como mellor web musical. As prendas coloristas e desenfadadas de Rei Zentolo, ou máis ben a súa presenza na rede, recibiron o premio na categoría de web empresarial e corporativa; mentres que blogaliza.org, foi votada como a mellor web cultural. No apartado de blogs, o espazo Vespadicto recibiu a acreditación como vencedor de RdL’09, o mesmo que a axencia publicitaria Mabel Aguayo. O experimento en colaboración con Google para limitar as buscas a referencias galegas, Jujel.es, resultou vencedor na categoría informativa e xa o destaca na súa páxina de inicio. As webs situadas en segundo e terceiro posto nas votacións realizadas polos internautas tamén recibiron o seu galardón.

Resaca das Letras 2009 tamén prestou especial atención ao traballo dos estudantes do campus e premiou algúns dos seus traballos. A organización convocara tres categorías distintas: cartaz, traballo de curso e creación audiovisual, aínda que finalmente só se entregaron os premios desta última xa que nas outras dúas ou non houbo participación ou non tiña a calidade esixida. Dúas materias “pendentes para setembro”, como bromeou Gonzo.

O primeiro premio no apartado de creación audiovisual foi para Valle,

un traballo realizado por un grupo de primeiro de Publicidade (Isabel Pérez, Lucía Nogueira, Ana García, Andrés Pascual, Adriana Vázquez e Natalia Cabelo). O segundo foi para Humor galego, de Daniel Hernández, alumno de terceiro curso; mentres que o último caeu nas mans de Sandra González, Cristina del Canto e Adelina Dopico, autoras de Como ser ghallegho.

O Galego ponse de Moda na Publicidade

2009-05-17T16:52:03+00:00

As empresas apúntanse aos anuncios que exaltan a cultura, a lingua e as tradicións da comunidade.

A cultura, os símbolos, a lingua, os tópicos da comunidade póñense de moda no sempre competitivo e arriscado mundo da mercadotecnia. O galego vende.
Internet converteuse nun bo termómetro para medir o impacto de calquera campaña de comunicación. Dámonos unha volta por Youtube, o portal de referencia para os adictos e os non tan adictos á rede. Pódese ver case calquera cousa. Tamén os anuncios galegos. Arrasando, o recente anuncio co que Gadis se converteu no protagonista absoluto da tempada. Falan dous dos participantes do anuncio: "Vai calor? ". "Bueeeeeno". "Vai frío? ". "Bueeeeeno". Somos optimistas por natureza, para nós todo é bo", berra o protagonista e narrador do vídeo. Un mozo -o actor, por suposto, galego, e máis concretamente de Betanzos (A Coruña), onde Gadis ten a súa sede- que ao Mel Gibson en Braveheart percorre a lombos dun cabalo varias cidades galegas explicándonos que Galicia é ese lugar onde "a xente non é fea, é riquiña". Onde "os domingos sen aldea non son domingos". "Vivamos como galegos", pide.

"É unha homenaxe a todos os galegos", contan dende a axencia BAP&Conde, autora do anuncio por encarga do grupo galego líder na distribución alimentaria. As dúas partes estaban de acordo en dar un paso máis no que ata agora se vira en anuncios en Galicia para lanzar un aceno e dar as grazas a todos aqueles "que levan tanto tempo confiando en Gadis". A aposta era arriscada. 90 segundos de imaxes, nada habitual no mercado, onde máis alá de 30 segundo se converte nun luxo. En galego. E sen unha soa pista do anunciante ata o final: o logotipo da empresa e, de novo, o convite a "vivir como galegos".
O resultado foi todo un fenómeno social, ao que vinculan innumerables páxinas web e que só en YoutubeGadis. Porque iso era en definitiva do que se trataba. "Con esta campaña nós só quixemos reflectir o que sentimos como galegos", engaden fontes do grupo de distribución. Nace do "compromiso" de Gadis con Galicia e cos seus clientes. "Reforza o vínculo emocional e recórdanos aos galegos o excepcional da nosa forma de vida, do noso ámbito, dos nosos costumes". De aí, a singularidade da duración do anuncio. acumula xa máis de 400.000 descargas. Malia que Galicia ten un dos menores índices de penetración de Internet. "É certo que esta campaña tivo un grande impacto en distintos medios, entre eles Internet, pero o realmente significativo é que a xente se identificou cos valores que intentamos transmitir", apuntan dende

"Percíbese na sociedade galega unha necesidade de autodefinirnos. Todos os galegos estamos convencidos de que estamos valorados por debaixo das nosas posibilidades. Cada vez hai máis profesionais, máis universitarios, máis empresarios que son unha referencia en toda España e aparecen na revista Forbes, deportistas... As cousas están a cambiar e xa non gusta que o galego apareza como o parvo da serie", afirman dende BAP&Conde.
Os tópicos reinvéntanse. Nada máis galego que o polbo. O "octopus to party" -a tradución libre ao inglés de polbo á feira- que aparece no anuncio de Gadis. Ou o inimigo a bater por Kamashita Electronics, o empresario de Tokyo que quere ser galego por obra e graza de Telefónica. A multinacional tamén se somerxe de cheo na moda da publicidade en galego cun anuncio feito por e para Galicia. En exclusiva. "A verdade é que os profesionais da compañía que traballamos aquí levabamos tempo insistindo na importancia de recoñecer, de adaptar o noso punto de vista a unha realidade territorial que é Galicia", conta José Ángel Veiga, director de Telefónica na comunidade.

A campaña Quiero ser galego levouse o maior presuposto en comunicación que Telefónica destinou a Galicia en toda a súa historia. Sen ningún estudo de mercado previo. Ten unha filosofía moi parecida ao anuncio de Gadis. O mesmo ao de Larsa. Ir máis alá dun produto, "para ofrecer un sentimento". O "sentimento galego".
O explícito das mensaxes de todas estas campañas, cunha aposta clara por vender o ideario da terra, é a meta ao camiño que xa outras empresas emprenderon hai uns cantos anos. Quen non recorda a festa jolgorrio coa que Fillos de Rivera promovía a tamén moi galega Estrela Galicia? Ou algún dos anuncios, sobre todo en prensa escrita, do operador de cable R, que non dubidou dende o primeiro momento en incluír o galego como lingua oficial das súas mensaxes, fose o que fora o que quería transmitir. Recentemente tamén a renovación de identidade que Caixa Galicia levou a cabo tanto na súa Obra Social coma no seu brazo investidor. A Corporación de caixa coruñesa quixo deixar claras cuales eran as súas raíces cunha campaña nos medios de comunicación da comunidade, en galego, e con acenos ao tecido social e económico. O a televisiva Paula Vázquez que, como a moza do anuncio de Larsa, volvía á casa. Non para tomar un vaso de leite, senón unha copa de viño de Marqués de Vizhoja.

A presentadora e actriz paseaba por diante dun pazo. Imaxe recorrente como a das montañas, os montes e a costa. A chuvia e a auga. As paisaxes verdes. A música. A forma de falar. Animais ao aire libre. A comida, por suposto. Din os expertos en publicidade que "ao potencial da mensaxe" que ten a cultura popular galega se uniu o "potencial imaxinativo" dos creadores da comunidade. Hai exemplos para todos os gustos. As sempre sedutoras campañas de Augas de Cabreiroá; as de Calvo, co mítico actor Jesús Puente como protagonista; as de Rianxeira; e os moi, moi autóctonos anuncios de fertilizantes Calfensa ou Mobles Mendoza, onde o galego entra de cheo e na súa variante máis popular.

"Toda esta publicidade nace na empresa privada", sinala unha das responsables de BAP&Conde. "Que o faga unha institución é normal".
Precisamente, no arquivo das campañas oficiais da Xunta está outro dos precedentes da aposta actual pola promoción en galego. Nos noventa, a finais, a Galicia Calidade -a moda que se vía nas imaxes non era francesa, "era galega", e as xoias máis vangardistas ou os viños máis apetecibles levaban tamén a etiqueta do made in Galicia- marcou un antes e un despois. O outro gran bombazo chegou o pasado verán, coa campaña de Tourgalicia. Galicia e única. Luar na Lubre encargábase da banda sonora e o actor Luis Tosar de ir narrando como unha terra onde existen palabras como "luscofusco", "badalada", "ribeira" ou "morriña" só pode ser "única". Nos arquivos de Youtube segue recompilando moitos piropos dos internautas.
"Partimos da idea de que Galicia é un país con determinadas características que o fai diferente", di Xesús Pereira, xerente de Tourgalicia. Elementos como "a gastronomía, a tradicións, a paisaxe ou mesmo o ton da lingua" cos que os responsables do anuncio -con versión tamén en castelán- apelaban "aos sentimentos, á emoción,". "En turismo en Galicia nunca houbo unha campaña tan forte", asegura Pereira.
Galicia é única sufriu os efectos colaterais da ondada de incendios que asolou a comunidade no verán do pasado ano. E saíu Galicia segue sendo única. Moitas das paisaxes de bosque cambiáronse por monumentos, por patrimonio rural para "non" dar unha imaxe que sería falsa, recoñece o responsables de Tourgalicia. E a cada vez máis consolidada marca Galicia, como calquera outra marca, pasou a súa primeira crise e tivo que reinventarse.

" Come neniño come que estás moi delgado"

2009-04-30T19:41:40+00:00

Gadis o supermercado ao que nos referimos no post anterior, levou hoxe ao mediodía a súa campaña "Vivamos como Galegos" ao Campus Universitario de Pontevedra onde se repartiron tortillas de patata entre os estudiantes.

Este video representa a campaña que xa se comenzou na Coruña o ano pasado.

As avoas coma amas de casa recrearon no Campus da Xunqueira dúas das escenas máis coñecidas desta campaña, na que unha avoa recomenda ao seu neto:"Come neniño come que estas moi delgado" e o rapaz asegura que " A mellor tortilla é a da miña nai"

A primeira vez que se levou a cabo esta acción foi no 2008 no Campus da Coruña e ante o elevado éxito de participación por parte dos universitarios, Gadis decidui poñela en marcha este ano nos sete campus de Galicia.

En total repartiranse unhas 2700 tortillas de patatas que certamente cumpren rigurosamente coas normas de seguridade alimentarias e están envadas en recipientes apropiados.

Vivamos Como Galegos!!!

2009-04-27T11:43:30+00:00

Unha vez máis propóñovos que vexades un spot. Neste caso trátase dun spot para o anunciante GADIS, a cadea de supermercados do grupo de distribución alimentario galego GADISA. O seu nome é "Vivamos como galegos" ; e a súa website www.vivamoscomogalegos.com onde podes visualizar o spot e descargar a música.

A campaña, realizaa a axencia galega BAP&Conde e xa foi subida varias veces ao Youtube, onde a viron máis de dúas mil persoas.

Ademáis da súa campaña lanzada en 2007, Gadis lanzou o ano pasado unha nova iniciativa coa intención de promover mediante votación a idea de cambiar do diccionario un dos significados da palabra Galego, a cál nos atinxe a todos/as.

Por outra banda temos constancia de que esta famosa campaña publicitaria triunfa en todas partes, na televisión, na prensa, na rede, en cines, e mesmo como banda sonora en pubs e discotecas.

Tamén temos que destacar os outros anuncios relacionados con esta campaña, así como os destinados a tempada de Nadal, ou os realizados noutros países do mundo coma en Nova York...

É máis que probable que os galegos non entendan demasiado a verdadeira cuestión deste spot xa que a locución engadiu uns diálogos moi galegos, as anécdotas son galegas, e as historias que se contan forman parte do ideario desta esquina atlántica e verde a partes iguais.

Moi probablemente cada galego que vexa este spotsentirase totalmente identificado con cada escena. O soriso de complicidade está asegurado.

Somos do clube da Galega! OINK OINK

2009-04-25T17:22:04+00:00

Quén no recorda ao xabarín máis famoso da TVG?

Tardes... e tardes rapaces de tódalas idades sentávamonos diante do televisor para ver os nosos debuxos favoritos...

O xabarín club comenzou a súa andaina o 18 de abril de 1994, cando eu e a xente da miña xeración tiñamos 4 anos e nesta década na dos 90, foi cando se converteu nun fenómeno social, con máis de 100.000 rapaces afiliado, a pegrunta e: quén non foi afliado de pekeno pola súa nai ao seu club, e no día do seu cumpleanos saía no espazo dos aniversarios cunha foto de pekerrecho??Coido que todos os desta xeración temos un carnet verde que sempre nos recordará a nosa infancia...

Xa que a imaxe final do programa era: Pero ainda que moitos de nos q xa non vemos esa programación o sigamos a pensar, o Xabarín club esta cambiando... as series... a música...

As tardes xa non son para os máis pekenos como o eran para nos, xa que agora o horario do Xabarín pasou para as mañas e moitos nenos xa non poden velo, e os debuxos animados non son nin a metade de bos coma os eran antes...

Para rematar deixovos a parte que meno nos gustaba escoitar a todos....

E TI SAES DO CLUBE?? AFÍLIATE!!!!!!

Remexendo na rede... Atopamos....

2009-04-25T17:21:17+00:00

Como xa sabedes, a miña idea do blog foi adicalo especialmente a Galicia e a situación comunicativa na que se atopa, polo que subín en primeiro lugar un exemplo dos anuncios que foron elaborados para dar a coñecer a nosa terra, e sen desviarme do tema gustaríame adicar esta vez un artículo a aqueles que coma mín adican este espazo a falar deste tema.

Seguindo as indicacións que me deron empregeuei os buscadores de blogs para, ademáis de informarme sobre o meu tema poder dar conta dos blogs q mais me chaman a atención dos relacionados con este tema. En especial empreguei bitácoras.com e google blogsearchcomo bsucadores principais e así atopei os segintes...

En primeiro, lugar citarei ao blog bloguespolalingua.blogaliza.org xa que a súa iniciativa foi promover a idea dunha xuntanza de blogues que trataran o tema de Galicia, a súa situación etc, ademáis de nomear todos os acontecementos de especial interese na nosa terra coma o día das letras galegas, así como a defensa do galego tanto na sociedades actual como na rede, xa que defende o uso do galego nos blogues.

En segundo, lugar tamén empregando estos buscadores atopei outro blog que espertoi o meu interese, neste caso silviofalcon.blogaliza.org, o cal trata a visión de Galicia e os problemas da mesma desde o seu punto de vista, un estudante de ciencias políticas e de ideeoloxía nacionalista, ademáis de poñer a disposición de todos a súa ideoloxía e en xeral os temas sociais que lle atinxen a nosa terra.

Para rematar gustaríame tan só citar un último blogue dos que me parecen interesantes, aínda que podería adecar se cadra maís de tres páxinas para nomear todos aqueles que segundo a miña opinión merecen encadrarse na categoría de interesantes ou tal vez merecedores dalgunha das vosas visitas. Como ía dicindo outro dos blogues que espertaron o meu interese foi galiza.lacoctelera.net, xa que o seu nome xa foi dende un principio un garn paso para interesarme por el os seus temas son culturais e sociais ademais de ilustrar a súas entradas kon videos e fotografías, algo que me gusta moito.

Supoño que xa vos daríades conta de que os tres blogues q elixin presentan polo menos unha característica común.. a idea de escribir os seus artigos en galego, ademáis de tratar o tema de galicia. Espero que con isto vos interesedes tamén por este vlogs oa cales despertan o meu interese.

TurGalicia...

2009-05-20T17:52:42+00:00

Para comenzar coa miña andaina neste mundo, gustaríame mostrar os anuncios realizados pola Xunta de Galicia aos que lles correponden ous seus respectivos anuncios en castelán para a xente de fora de Galicia.

A miúdo observamos que na publicidade se usa a identificación Galicia = calidade, sendo termos sinónimos. Os que aquí vivimos sabémolo de certo. Así é. Como aquí en ningures. Como se adoita dicir, o galego vende. E moito. E senón que llelo pregunten aos encargados da campaña de Turgalicia.

Todo apunta a que nas campañas da Xunta de Galicia está o xérmolo da aposta social polo galego. Oficialmente iniciaron unha andaina que está a ser imitada por distintos colectivos.

Co lema "Galicia Calidade" vai asociada a idea de que a nosa comunidade autónoma é única. Así se viu tamén no spot no que Luís Tosar puxo a súa voz para contarnos que só pode ser "única" a terra que conta con palabras como "badalada", "luscofusco" ou "morriña", mentres Luar na Lubre se encargou da banda sonora.

Preparados...Listos...Xa.....!!!!

2009-04-25T17:18:04+00:00

Comenzarei a presentación deste blog, facendo referencia ao meu compañeiro Xaime quen citou francamente que este blog témolo debido a clase de Diseño, xa que pola contra coido que moitos non o fariamos pero postos a que o temos que facer, presentovos aquí os temas dos que tratarei o longo do meu paso pola rede.

Como o nome do meu blog da a entender tratarei temas de Galicia e máis concretamente da situación comunicativa que temos aquí. Quíxen escoller este nome para poder tratar todos aqueles programas que na nosa infancia emitían na Televisión de Galicia, porque... quen non recorda ao Xabarín clube? e tódalas aquelas cancións pegadizas?

Tamén me gustaría citar e tratar os anuncios que nos últimos meses emiten os supermercados como gadis, e o seu anuncio de Vivamos como Galegos! e o intento que outros están levando a cabo nos seus anuncios en galego.

Pois sen máis preámbulos invítovos a participar na miña idea de coñecer tódolos aqueles programas que pasaron polas nosas vidas e anuncios que hoxe en día despertan en nos un interese persoal pola cultura e idioma galegos.